26 Jun 2009

ပညာဖြင့် ချမ်းသာစွာနေနည်း

နမော တဿ ဘဂ၀တော အရဟတော သမ္မာသမ္ဗုဒ္ဓဿ

ပညာဟူသည် လွတ်မြောက်မှုချမ်းသာကို ပေးစွမ်းနိုင်၏။ ထို့ကြောင့် ပညာရှိလျှင် ကပ်ငြိခြင်း၊ နှောင်ဖွဲ့ခြင်း၊ ရှုပ်ထွေးခြင်းဟူသောတောမှ ထွက်မြောက်နိုင်၏။ တဏှာသည်ကား လွန်စွာတပ်ငြိခြင်း၊ ရစ်ပတ်ချည်နှောင်ခြင်း ကိုဖြစ်စေသော မောဟအမှောင်ထုအောက်တွင် ကျင်လည်ကျက်စားနေသည့် မင်းသားခေါင်းပေါင်း ဆောင်းထားသော အသားစားဘီလူးကြီးနှင့် တူ၏။ အသားစားဘီလူးသည်ကား သူ၏ပိုင်နက်တွင်ရှိသော သားကောင်တို့ကို မည်သူ့ကိုမျှ အလွတ်မပေးဘဲ ၀ါးမျိုကိုက်သတ်စားကာ ဒုက္ခဆင်းရဲကိုဖြစ်စေသကဲ့သို့ တဏှာသည်လည်း သူ၏ပိုင်နက်အတွင်းတွင်ရှိသော မည်သူတစ်စုံတစ်ယောက်ကိုမျှ ချမ်းသာမပေးဘဲ ဒေါင်ချာ စိုင်းအောင် ဆင်းရဲကို ဖြစ်စေတတ်သောတရားပင်တည်း။


ဒုက္ခ၏အဆုံးသို့ရောက်ရန် သေချာနေသော အနာဂါမ်အရိယာကိုပင် နှစ်ပေါင်းများစွာဆင်းရဲ အောင် ဒုက္ခကို ဖြစ်စေသေး၏။ အကြောင်းမူကား ဘ၀ကိုတပ်မက်သော ဘ၀တဏှာ အနည်း ငယ် ရှိနေခြင်းကြောင့် ဗြဟ္မာခန္ဓာ ဒုက္ခသစ္စာကို တဖန်ရရှိသောကြောင့်ပင်။ ထိုသို့သဘော ရှိသော၊ ကျယ်ဝန်းသောနယ်ဖြင့် သူတစ်လူငါတစ်မင်း အုပ်စိုးနေသည့် တဏှာ၏ အာဏာ စက်ကွင်းကား လွန်စွာကျယ်ပြောလှပေ၏။ အဆုံးမရှိဟုပင် ထင်ရ၏။ ဒုက္ခ၏အဆုံး၊ ဇာတိ၏ အဆုံးကို မြင်တော်မူသော မြတ်စွာဘုရားသည် တဏှာ၏စက်ကွင်းမှ လွတ်မြောက်တော်မူပြီး လျှင် သတ္တ၀ါအများကိုလည်း လွန်စွာသနားကရုဏာ ဖြစ်တော်မူသောကြောင့် (၄၅)၀ါ ကာလ ပတ်လုံး အပင်ပန်းအဆင်းရဲခံကာ ဒုက္ခ၏လွတ်မြောက်ရာ လမ်းကြောင်းအမှန်ကို ဟောကြား ဆုံးမတော်မူခဲ့၏။ ရဟန္တာမဖြစ်သေးသမျှ ဗုဒ္ဓ၏အလိုသို့ မရောက်ရှိသေးပေ။ ထို့ကြောင့် ဘုရားရှင်က “ကိလေသာတည်းဟူသော အာသဝေါတရားတို့ မကုန်ခန်းသေးသ၍ ငါချမ်းသာ လိုက်တာဟူ၍ ဘယ်သောအခါမှ မတွေးတောရန်” မှာကြား ဆုံးမတော်မူခြင်း ဖြစ်ပေမည်။

ပညာဖြင့်ချမ်းသာစွာနေနိုင်ရန်အတွက် ပညာရှိကို မှီဝဲဆည်းကပ်ရမည်။ ပညာရှိစကား သေချာနာကြားရမည်။ “ပညာလို အိုသည်မရှိ၊ ပညာရှာ ပမာသူတောင်းစား၊ ပညာရှာချိန်၌ ခြေသုတ်ပုဆိုး မြွေစွယ်ကျိုးသို့” ဟူသော သင့်တင့်လျောက်ပတ်သော နှလုံးသွင်းဖြင့် ပညာရှာရမည်။ ကြားနာမှတ်သားထားသည့်အတိုင်းလည်း ကျင့်ကြံပွါးများ အားထုတ်ခြင်း လည်း ရှိရပါမည်။ သို့မှသာ ပညာဖြင့် ချမ်းသာစွာနေနိုင်မည်ဖြစ်၏။ ကျေးဇူးရှင်ဓမ္မစေတီ ဆရာတော်၏ဆောင်ပုဒ်အတိုင်း ဆိုရလျှင် “သင်မှသိ၊ သိမှကျင့်၊ ကျင့်မှရ၊ ရမှငြိမ်းချမ်းသည်။” ဟူ၍ဖြစ်၏။ သင်မှသိ (ပရိယတ္တိသာသနာ)၊ သိမှကျင့် (ပဋိပတ္တိသာသနာ)၊ ကျင့်မှရ (ပရိဝေဒ သာသနာ)၊ ရမှငြိမ်းချမ်းသည် (နိဗ္ဗာန်) ဖြစ်ပါသည်။

အသိကို လိုက်မကျင့်က သိသလို မသိသလိုနှင့် နောက်ဆုံးတော့လည်း မသိသလိုသာ ဖြစ်သွားတတ်ပါသည်။” ထို့ကြောင့် ဗုဒ္ဓ၏တရားများသည်ကား ကြံစည်တွေးတောနေရုံနှင့် မပြီးသေးဘဲ လက်တွေ့ကျင့်ကြံမှသာလျှင် အကာလိကော(အခါမလင့်အကျိုးပေးသောဂုဏ်) ကို လက်တွေ့ခံစားရမည်ဖြစ်ပါသည်။ တရား၏အရသာကို တွေ့ရှိသွားသူတို့ကား အခြားသော အရသာတို့ကို စွန့်လွှတ်သွားနိုင်ပြီး တရား၏အရသာကိုသာ ခံစားတော့၏။ “သဗ္ဗရသံ ဓမ္မရသံ ဇိနာတိ- အရသာအားလုံးတို့တွင် တရားအရသာသည်သာ အမွန်မြတ်ဆုံး၊ အသာလွန်ဆုံးဖြစ် ၏။” ဟူ၍လည်း ဘုရားရှင် ဟောကြားတော်မူခဲ့ပါသည်။

စားဖူးက ခံတွင်းတောင်း၏။” ကာမဂုဏ်တရားတို့ကို သံသရာတလျှောက် ပညာဉာဏ် ကင်းပျောက်ခဲ့၍ မောဟဖြင့် အကြိမ်ကြိမ် ခံစားခဲ့ကြ၏။ ထပ်ခါထပ်ခါလည်း ခံစားချင်ကြ၏။ ထပ်ခါထပ်ခါလည်း တောင်းတကြပြန်၏။ ထို့ကြောင့် သင်္ခါရ- ပြုပြင်ဖန်တီးခြင်းကို တဏှာ၊ ဥပါဒါန်တို့ဖြင့် မပြတ်ပြုလုပ်နေကြခြင်းဖြစ်ပါသည်။ သင်္ခါရတရားတို့ကို ပြုလုပ်သော စေတနာသည် အ၀ိဇ္ဇာ(မောဟ)နှင့်ပေါင်းမိသောကြောင့် အဆင်း၊ အသံ၊ အနံ့၊ အရသာ၊ အထိ အတွေ့ ကာမဂုဏ်ငါးပါးတို့ကို ခံစားလိုခြင်း(တဏှာ)၊ ထိုတရားတို့အပေါ်၌ လွန်စွာတပ်ငြိပြီး မရလျှင် မနေနိုင်ဘဲ ငမ်းငမ်းတက်ခံစားလိုခြင်း(ဥပါဒါန်)ဖြင့် ကံတို့ကို စီမံတော့သည်။ ထပ်ခါ ထပ်ခါ ပြုလုပ်တော့သည်။ ထို့ကြောင့် ဇာတိသည် မဆုံးတော့ဘဲ သံသရာ၌ မနားတမ်း ကျင်လည်နေခြင်းပင်ဖြစ်သည်။ ထိုသို့သော အကြောင်းအကျိုးတို့ဖြင့် လည်နေခြင်းကို ပညာဖြင့် မရှုမှတ်မပွါးများလျှင် ဆက်၍သာ လည်နေဦးမည်ဖြစ်သည်။ ထို့ကြောင့် အ၀ိဇ္ဇာ (မောဟ)နေရာတွင် ၀ိဇ္ဇာဉာဏ်(အမောဟ)ပညာဖြင့် အစားထိုးကျင့်ကြံသွားမှ ရှိနေတဲ့ စေတနာလေး အရောင်တောက်သွား၏။ ပညာနဲ့ပေါင်းလိုက်တော့ ခံစားမှုကြောင့် တဏှာအစား ဉာဏ်တွေချည်း ဖြစ်သွားသောကြောင့် ဥပါဒါန်၊ ကံတို့လည်း ချုပ်သွားပါသည်။ တဏှာ၊ ဥပါဒါန်၊ ကံတို့ အချိန်တိုင်းချုပ်နေအောင် ခံစားသည့် ဝေဒနာကို ငါဟူ၍ မမှတ်ယူနှင့်။ ငါခံစားနေသည်ဟူ၍ မသိနှင့်။ ဝေဒနက္ခန္ဓာခံစားနေခြင်းဖြစ်သည်ဟူ၍ သိပြီး ဖြစ်ပြီးလျှင် ပျက်နေသည့်သဘောကို မြင်အောင်ကြည့်။ တဖြည်းဖြည်းရိပ်မိလာမည်။ ဒီအတိုင်း စိတ်ကို လွှတ်ထားမှ ရောက်ချင်ရာရောက် ပေါက်ချင်ရာပေါက်ဖြစ်ပြီး အချိန်ကြာလျှင် ထိန်းမရ သိမ်းမရနိုင်တော့ဘဲ တဏှာ၊ ဥပါဒါန်၊ ကံတို့ဖြင့် အချိန်တိုင်းလည်နေသောကြောင့် သံသရာခြားရဟတ် အတောမသတ်နိုင်တော့ဘဲ ဖြစ်နေမည်။ အတောမသတ်ခဲ့လို့ဘဲ ဂင်္ဂါဝါဠု သဲစုမက ပွင့်တော်မူပြီးသော ဘုရားရှင်တွေသာ မရေမတွက်နိုင်အောင် များခဲ့ပေမယ့် တရားကို အားမထုတ်နိုင်ခဲ့လို့ အခုထက်ထိ ပုထုဇဉ်အတုံးကြီးဘ၀နဲ့ အရိုးထုတ်ကာ နေနေရ သေးသည်မဟုတ်ပါလော။

ပုထုဇဉ်အသိလောက်နဲ့ ရရှိထားတဲ့ သညာသိတွေအားလုံးဟာ ဘာမှကျေနပ်စရာမရှိလှ သေးဘူး။ ဘွဲ့တွေ၊ ဒီဂရီတွေ မည်မျှပင် ရရှိထားသော်လည်း ရရှိသမျှ ထားခဲ့ရသည်သာ။ သောတာပန်အရိယာ မဖြစ်သေးဘူးဆိုလျှင် ပုထုဇဉ်တို့ရောက်ရှိရမည့် နောင်တမလွန်ဘ၀ သည် အာမခံချက်မရှိသေးပေ။ တမလွန်၌ သရဏဂုံ ဆက်လက်တည်နိုင်၊ မတည်နိုင်လည်း မသေချာသေးပေ။ နိဗ္ဗာန်ရောက်ရန်လည်း အာမခံချက်မရှိသေးသောကြောင့် သံသရာ၌ မည်မျှကျင်လည်နေရဦးမည်ကိုလည်း မသိနိုင်သေးပေ။ ထို့ကြောင့် ဘုရားသာသနာနှင့် တွေ့ခွင့်ရနေတုန်းသာလျှင် ကျင့်ကြံပွါးများနိုင်သော ၀ိပဿနာမဟာကုသိုလ်ထူးကြီးကို မရရအောင် ယူသွား ကြရမည်ဖြစ်ပါသည်။

ဘုရားရှင်ကိုယ်တော်မြတ်ကြီး နေထိုင်နည်းအတိုင်း ကျင့်ကြံနေထိုင်သွားကြရပါမည်။ လောကကြီးက လောဘတရားတွေထူပြောနေကြလျှင် ဗုဒ္ဓက အလောဘ(စွန့်လွှတ်မှု)ဖြင့်နေ ၏။ လောကကြီးက ဒေါသတရားတွေနဲ့ ထူပြောနေကြလျှင် ဗုဒ္ဓက အဒေါသ(မေတ္တာ) ဖြင့် နေ၏။ လောကကြီးက မောဟ(မိုက်မဲတွေဝေမှု၊ မသိမှု)တို့ဖြင့် ထူပြောနေကြလျှင် ဗုဒ္ဓက အမောဟ(ပညာ)ဖြင့်နေ၏။ မည်မျှ ငြိမ်းချမ်းလိုက်ပါသနည်း။ မည်မျှ အတုယူဖွယ်ဖြစ်ပါ သနည်း။ လောကသုံးပါး၏ထိပ်ခေါင် စံနမူနာပြ ဖြစ်တော်မူသော မြတ်စွာဘုရားအား ကြည်ညိုကြလျှင် ဘုရားရှင်နေနည်းအတိုင်း အားထုတ်ကြပါကုန်လော့။ ပွါးများကြပါကုန် လော့။ မသေရာလမ်းကို လျှောက်လှမ်းကြပါကုန်လော့။ သို့မှသာ ပညာဖြင့်ချမ်းသာစွာနေနည်း မည်ပေသည်။

မသေရာနိဗ္ဗာန်သို့ ပို့ဆောင်ပေးသောလမ်းဖြစ်သည့် မဂ္ဂင်တရား ဓမ္မအလင်းသည်ကား မောဟ အမှောင်ထုကိုဖြိုခွင်းသည့် ပညာလက်နက်ကြီးပင်ဖြစ်၏။ မဂ္ဂင်တရားတို့သည် ဖောင်ကူးတို့၊ ယာဉ်တို့နှင့်လည်းတူ၏။ နိဗ္ဗာန်သို့ ပို့ဆောင်ပေးသောတရားတို့ ဖြစ်သော်လည်း ထိုတရား တို့ကို တရှိုက်မက်မက် မစွန့်ရက်ဘဲ ပြန်လည်ခင်တွယ်နေလို့ မသင့်တော်ပေ။ ဈာန်တရားတို့ အားထုတ်ရာ၌ ပထမဈာန်ရရှိသောပုဂ္ဂိုလ်သည် ထိုဈာန်အား ခင်တွယ်နေက ဒုတိယဈာန်သို့ မတက်နိုင်ပေ။ တတိယဈာန်သို့ရောက်ရှိရန်လည်း ထိုဒုတိယဈာန်ကို စွန့်လွှတ်နိုင်မှ ရောက်နိုင် ၏။ ထို့သို့ဖြင့် အောက်အောက်သောဈာန်တို့ကို စွန့်လွှတ်ပြီးမှသာလျှင် အထက် အထက်သော ဈာန်တို့ကို ရောက်ရှိနိုင်ပေသည်။

မြန်မာပြည်အောက်ပိုင်းတစ်နေရာမှ အထက်ပိုင်းတစ်နေရာသို့ ရောက်ရှိလိုသော ခရီးသည် သည် အဆင့်ဆင့်ယာဉ်များကို စီးနင်းရမည်ဖြစ်၏။ အစမှအဆုံးသို့ ရောက်ရှိရန် မိမိအသုံးပြုခဲ့ သောယာဉ်တို့ကို မထားခဲ့၍ မရပေ။ ခင်တွယ်နေလို့ မဖြစ်ပေ။ မိမိကိုယ်ပိုင်လည်း မဟုတ်ပေ။ ရေကြောင်းခရီးကို လှေ၊ သင်္ဘောစသည်ဖြင့်ကူးပြီးလျှင် ကမ်း၌ထားခဲ့ရမည်။ ကုန်ကြောင်းခရီး ကို မော်တော်ကား၊ ဆိုင်ကယ်၊ ရထားတို့ကိုလည်းကောင်း၊ လေကြောင်းခရီးကို လေယာဉ်ဖြင့် လည်းကောင်း အဆင့်ဆင့်စီးနင်းပြီးလျှင် ဂိတ်ဆုံး၌ ထားရစ်ခဲ့ရပေမည်။ ထို့သို့ အသုံးပြုခဲ့သမျှ သောယာဉ်တို့ကို မိမိလိုသလောက် အသုံးပြုပြီးလျှင် နေရာမှာပင် ထားခဲ့ရပြီး ဆက်၍ဆက်၍ သွားကာ လိုရာသို့ရောက်အောင် ခရီးနှင်သကဲ့သို့ နိဗ္ဗာန်သို့သွားသော သံသရာခရီးသွားသည် လည်း မိမိအသုံးပြုခဲ့သော မဂ်တရား၊ ဖိုလ်တရားတို့ကို လိုသလောက် အသုံးပြုပြီးလျှင် ထားရစ်ခဲ့ရမည် ဖြစ်ပေသည်။ လောက၌ ခင်တွယ်စရာဟူ၍ကား ဘယ်အရာလျှင် ရှိတော့ အံ့နည်း။

သတ္တ၀ါအားလုံး ဘေးရန်ကြောင့်ကြ ဆင်းရဲကင်း၍ ကောင်းကျိုးလိုရာဆန္ဒ ပြည့်ဝနိုင်ကြပါစေ။

အပြည့်အစုံသို့